Diamars mainta un multa a cay riba doño di Los Cafeteros. Holo desagradable a pone esnan eybanda bati alarma. Awa sushi cu tabata core riba caminda saliendo for di Los Cafeteros y bay te riba un distancia leu dilanti cas di habitantenan den e area.
Polis cu a yega a confirma e awa sushi saliendo di e restaurant. A cuminsa busca pa e persona responsabel. A logra haya e doño y a splike riba e actuacion iresponsabel aki. A splica polis cu e localidad ta uno basta bieu y e tabata un cas cu pos chikito.
Awendia e no ta un cas mas pero un restaurant cual su baño ta basta activo tur dia cu e clientenan cu ta bishita e localidad. E excusa aki no ta valido si pa evita un multa. Polis a mustra e doño cu e mester ta mas responsabel pasobra higiena ta importante.
Su problema di pos no por bira problema pa e habitantenan den e area. E doño a haya un multa di polis. Mesora a yega un truck septico cu a bin chupa e pos chikito cu tin na Los Cafeteros. Awo mester paga e multa di polis y truck pa chupa e pos. Dobel gasto.
