Dialuna mainta, FAVI a lansa un proyecto di video di conscientisacion pa comunidad di Aruba, pa con pa detecta problema di bista trempan. Tambe nan a lansa na portal educacional pa tur docente cu tin un alumno cu limitacion den klas.
Meredith Faarup- Ambulante Onderwijskundige na FAVI a splica cu esaki ta conta tambe pa e futuro docentenan of pa e docentenan cu den futuro lo por haya un alumno cu problema di bista.
Michelle Solis-Montoya ta un studiante ultimo aña Bachelor Papiamento y el a indica cu e proyecto di video tabata un idea cu tabata tin caba pa realisa.
Annamarie Navas, Ambulante Onderwijskundige Begeleider na FAVI a informa riba e website cu FAVI a crea, cu tin diferente tip practico pa docente cu tin mucha cu limitacion di bista den klas pero tambe pa e futuro docentenan cu lo por traha cu mucha cu limitacion di bista.
Pa un relato mas amplio, lesa TREMPAN di awe.
