Mirando cu turismo for di Latino America ta sumamente importante pa nos isla di Aruba, nos a papia cu directora di cuenta di e compania cu ta maneha e publicidad pa Aruba den Latino America, kende ta Juanita Delgado di Mullen Lowe.
E ta conta cu for di dos aña pasa ta maneha e cuenta. Esaki tabata un reto bastante grandi, no solamente pa ATA, sino pa Mullen Lowe tambe, pasobra nan ta compañandonan como ekipo pa e integracion di e region.
Loke nan ta asumi cu e cuenta ta pa integra Latino America. Antes tabata un maneho cu tabata wordo haci den cada un di e paisnan. Loke nan ta haciendo loke nan ta bin ta haci den e ultimo tempo, ta integra e maneho pa integra e comunicacion, e mensahenan, e canalnan cu nan ta usa, e medionan y haci di berdad un comunicacion cu ta sinti integra den henter e region y no paisnan aisla papiando di e destino.
Esaki tabata basta interesante pa no solamente e cuenta y Aruba como destino, sino pa e publicidad en general. Y pa loke nan ta proyectando pa 2019, e mix di medio cu nan tin den e diferente paisnan y e medionan tradicional cu digital. Ya e medionan digital ta supera 50% den mayoria di e impresion cu nan ta haci.
Mullen Lowe ta mira e necesidad di conecta cu hende cu loke tin na su alcanse, na man, comunicacion hopi mas lihe, mensahenan mucho mas inmediato, contenido mucho mas light di cual hendenan por consumi rapidamente y e destino cu tin pa ofrece ta, algo carga, hopi fuerte visualmente y e medionan digital ta yuda entrega e mensahe aki di pronto stop di laga textonan mas largo y mustra visualmente kico tin pa ofrece y e recepcion di hende riba red. E resultadonan cu por mira ta un incremento den e atencion, ta e alcance cu a logra atrabes di e medionan aki.
Un mensahe pa Latino America
Ta purba di sensibilisa riba cada un di e mercadonan. Si kier tin un marca integra y regional y cu no importa di ki luga mira esaki. Mira e sensibilidad di loke ta Aruba y e isla. Si ta purba di ta hopi sintonisa loke ta pasando riba mercado, tin algun mensahe cu ta ahusta. Brasil ta un reto pa nan, no solamente pa e idioma, sino tambe pa e cultura, con nan ta ricibi e mensahe.
Cada un di e paisnan ta mira e isla di forma diferente. Tin pais ta enfoca mas riba e siguridad cu e isla ta ofrece. Tin pais ta haya e beachnan mas relevante. Ta depende tambe con e necesidadnan di cada pais ta ofrece loke e paisnan tin pa e turistanan.
E idea y exito
Segun Juanita, dentro di e pilarnan cu nan tin cu e comunicacion cu Aruba, ta e tema di romance. Ta un di e islanan mas romantico di Caribe y loke nan kier pa hende mira cu ta un di e destinonan pa bay comparti den pareha, honeymoon, renoba promesa, dunamento di man. Algun aña pasa, e hende muhe ta bin ta poderando mas y e marcanan a bin ta bendiendo esaki cu no ta trata di reconoce un papel di e hende muhe den sociedad, sino acepta cu no ta existi papel ni caminda pa cosnan, sino cualkier por haci esaki. A tuma un decision caminda cu a haya un inside hopi fuerte cu e hende muhe por tribi haci cual pa hopi aña tabata e papel di e hende homber. A invita pa kibra e cliche. Aruba ta un isla cu Amor ta pa tur hende, tanto pa hende homber y e hende muhe por pidi man y kier a genera un golpi di opinion hopi fuerte.
Ta buscando e nivel desmidi di atencion. Cada biaha sa cu e ta e bon mas preciado y den comunicacion ta logra haya e atencion di hende. Y si no logra cu ideanan desruptivo cu, cu mensahenan cu ta genera un golpi di opinion ta cuminsa tin un comunicacion cu no tin ningun defecto.
A dicidi for di e isla, lansa un mensahe diferente, den e teritorio di amor y capta e atencion. E recepcion tabata increibel. A pensa cu mas of menos 80 pa 100 hende muhe a inscribi, pero pa nan sorpresa mas di 3000 hende muhe di e region a inscribi, mandando nan storia y tambe mandando potret. Por a premia dos pareha, cu tabata na Aruba, e dama pidiendo man na su futuro casa y tabata realmente maraviyoso.
