Dialuna mainta IBiSA Kamp a cuminsa, tanto na IBiSA San Nicolas, como tambe na SKA Piedra Plat. Hopi mucha di diferente edad, tanto pa San Nicolas como tambe na SKA na Piedra Plat, a inscribi. Ta mas of menos 200 mucha a inscribi pa prome siman di IBiSA Kamp.
Tin diferente actividad pa e muchanan, manera deporte, recreacion y educacion. Tin diferente tipo di introduccion di deporte tur dia pa e muchanan. IBiSA Kamp na San Nicolas y Piedra Plat ta bay ta pa un siman, pero IBiSA mes lo tin e kamp pa 3 siman entre pariba y pabou di brug.
Inscripcion ta posibel ainda pa e di tres siman cu ta dia 26 juli pa 30 di juli cu ta tuma luga na Centro di Bario Brazil. Pa mas informacion di IBiSA Kamp por tuma contacto cu IBiSA Playa na telefon 5824-987 of na IBiSA San Nicolas na 584-8903 durante oranan di oficina of por haya e formulario digital riba e Facebook IBiSA Aruba.
