Diadomingo atardi, prome cu solo a bay awa, a drenta melding cu lo tabata tin un mondi na candela den e area di Canashito. Eynan tin algun structura, caminda cu nan ta of nan tabata en todo caso, cobra tera y tambe kibra piedra. Aparentemente muchanan baldadi lo a cende un mondi na candela na un shop cu ya ta bandona. Security den vecindario a declara na polis cu e sa cu ta muchanan baldadi, pasobra nan ta blo bay horta cara rato na e shop. Unidad di bombero tabata na e sitio pa asina domina e candela.
