Cu hopi alegria y entusiasmo, Sinterklaas y su Pietnan a yega Aruba, unda un multitud di mayor y mucha a sali riba caya pa duna nan un caluroso bonbini. Durante e recorido den e cayanan di Oranjestad, e Pietnan a parti mangel y pepernoten, mientras musica y ambiente festivo a acompaña e desfile.
Den un entrevista cu 24ora.com, Sinterklaas a expresa su alegria pa ta bek na Aruba y pa mira tanto mucha y mayor sali pa ricibie.
E biahe for di Spaña a bay bon, aunke Sinterklaas a conta cu nan a enfrenta un tiki biento riba lama. Sinembargo, e grupo a yega sano y salvo, cu hopi regalo y mangel pa e muchanan di Aruba.
Facebook Live
Un di e Pietnan tambe a comparti su entusiasmo cu e ambiente na Aruba. E tabata hopi contento cu e ricibimento y a comenta cu e muchanan tabata sumamente entusiasma. Tambe a puntr’e si tabatin mucha cu mester bay den saco pa Spaña, e Piet a contesta cu tur mucha na Aruba a comporta nan mes bon e aña aki, a haci nan best na scol y a scucha nan mayornan.
E Piet tambe a manda un mensahe pa e muchanan di Aruba, pidi nan pa sigui comporta nan mes bon, haci nan huiswerk y respeta hende grandi.





















E desfile a sigui su ruta den centro di Oranjestad, cu hopi alegria riba cara di e muchanan cu tabata disfruta di e momento. Despues di e recorido, e celebracion tabata sigui na Plaza Nicky Habibe, unda tabatin actividad pa e muchanan.
Asina Sinterklaas y su Pietnan a inicia nan estadia na Aruba, ricibi cu un ambiente festivo y hopi entusiasmo di parti di e comunidad.

















