Diadomingo anochi, den careda di 6:45 pm pa 7:00 pm. A sosode un accidente riba Professor Lorentzstraat. Esaki a pasa net n’e rotonde di La Salle College. E accidente tabata entre dos auto, un Hyundai Accent blanco number A-69795 y Suzuki Swift shinishi sin plach’i number y un bais electrico.
Yegando n’e rotonde, chauffeur di e Accent a dal den e bais electrico. Esey a pone cu e bais electrico a bay dal e Suzuki. Polis a presenta n’e sitio pa atende cu e accidente.
A pidi presencia di ambulance pa atende cu e victima, kende tabata e dama riba e bais electrico. E dama tabata keha hopi di e dolornan di pia. E paramediconan tabata atende cu e dama. Tambe Forensys a presenta pa tuma declaracion di e accidente.



