Diasabra marduga pasa di 3or a sosode un accidente riba e caminda di Hato. Net dilanti di Elmar. Un motociclista tabata bayendo direccion pariba. Yegando e rotonde parce un bestia a sali su dilanti. El a desvia y cay. E motociclista tabata riba e brommer MFA 2274. Un Suzuki GSX 1100. Polisnan a yega na e sitio y haya e manehador canto di caminda pero riba vloer. E security y hendenan cu a pasa a dune un man. A lanta e brommer y hala e motociclista herida for di caminda. E tabata tin corta na pia y cabes. E tabata na tino. Basta azeta a basha riba caminda. A sera caminda pa basha santo riba e azeta pa no causa peliger pa trafico. Ambulance a presenta pa paramediconan atende cu e victima.
