Tabata algo pasa di 3or di marduga cu a drenta informacion di un accidente den Caya Frere Arnold. A drenta informacion na prome instante cu ta un hit and run. Despues a resulta cu no ta un hit and run. Mas bien dos studiante pareha di Xavier University tabata discuti den e auto Nissan March RHD A-75206. Djey diripente e mucha homber na stuur a lora diripente. Mirando e velocidad e no a lora bon. Pesey mes a perde control bay dal den un cura di cas. E cura a kibra y e auto a keda kibra dilanti pega riba e cura. Polis a ser avisa. Takelwagen tabata necesario pa move e auto. Despues di atende cu e chauffeur, a laga busca un machine di supla. E chauffeur mester a supla. E suplamento a sali malo y Polis a detene. Na prome instante e homber a gaña cu ta e dama ta na stuur. E doño di cas a bisa Polis cu ora e auto a dal y el a sali ta e homber tabata na stuur. Polis no a aprecia e gañamento di e homber. Na warfa lo a sigui cu e proceso pa e supla riba machine grandi y duna declaracion.
