The Chaz Modeling & Talent School den cuadro di su 25 aniversario e aña aki ta trahando pa exporta mayoria talentonan internacional.
Dia 2 di mei 2023 un delegacion di Chaz Models a biaha rumbo pa Orlando pa e evento di Fashion Week OFK ORLANDO FASHION KIDS 2023 caminda e evento a enfoca na duna e muchanan show di moda, nan a modela pa diferente diseñadornan internacional.
Na final a premia esunan cu a destaca mas durante di e dianan y nos a logra conkista tres titulo cual nan ta Baby Top Model, Ciara Winterdaal, Pre-Teen Top Model, Caithlyne Kock y Super Top Model, Stacey de Veer. Javinah Besselink a logra keda na di dos luga den Teen Top Model.
Chaz Models kier a felicita ful e team y tambe e estilistanan cu a acompaña e muchanan: Roberto Avalo y Jesus Soto di The Salon pa nan tremendo trabou.
Meta di The Chaz Modeling & Talent School ta di exporta talentonan Arubiano.
