Ministerio Publico a presenta 8 diferente acusacion contra e fisioterapista Rudy Carti y e hecho cu den cuater acusacion el a wordo declara liber door di Corte, sigur no a cay den bon tera cerca e fiscalnan y tampoco cerca e denunciantenan.
Despues di a haci un evaluacion, fiscal a dicidi cu Ministerio Publico no por acepta cu den nada menos di cuater caso a declar’e liber. Esey a sosode dos siman pasa. Pues mañan lo a cumpli net dos siman despues di e sentencia y fiscal a apela prome cu e fecha aki a vence.
Hecho ta cu na momento cu e fiscal encarga a tende esaki, mesora el a informa e acusado y su abogado cu ta miho e entrega su mes, ya cu nan lo apela e decision di Corte. Mientrastanto Carti a dicidi di entrega su mes, sperando tratamento di e caso door di Corte di Apelacion (Hof).
Diferente pashent di Carti a entrega keho contra dje pa motibo cu el a haci mal uzo di su servicionan como fisioterapista pa comete actonan di inmoralidad cu nan. Tin caso cu ta data di algun aña atras te cu aña pasa. Probablemente e caso den Hof lo wordo trata te otro aña. Mientrastanto Carti ta cera bek den KIA pendiente e apelacion.
Pa mas lesa TREMPAN
