Diahuebs anochi alrededor 11:30 pm a surgi un intercambio di palabra formal n’un club nocturno na The Village Plaza. Ta entre un turista y e miembronan di siguridad. E turista tabata mustra manera cu e ta intoxica cu un of otro substancia. Ora e miembronan di siguridad a pidie pa bandona e luga, el a cuminsa menasa nan.
Mesora a sac’e afo y bati alarma na polis. E no a stop, mirando cu parti pafo, el a cuminsa menasa mas persona. Polis a yega y mesora a mand’e suela, a pone sinta nechi den yerbe mientras a deten’e y tabata pendiente pa yegada di e transporte policial. A deten’e pa menasa, tur cos ta mustra cu tin persona a haci denuncia contra su persona.
Na warda e lo tin di bay duna di su acto dilanti un subfiscal.