Un biaha mas ta bay drenta e temporada di campamento y te ainda e situacion di Covid-19 ta bayendo hopi bon. Pero algun dia pasa riba media social algun persona a pone cu a kita nan derecho di campa banda di Fisherman’s Hut.
mr. Evelyn Wever-Croes, minister presidente, a bisa cu e temporada di campamento ta drentando y ainda e situacion di Covid-19 ta bayendo hopi bon. El a recorda henter comunidad cu mester sigui cuida, pero por lo menos ta duna e oportunidad di bay campa un biaha mas. E mandatario a indica entregamento di permiso ta bou man di Cuerpo Policial. Varios persona a haci peticion pa haya luga pa campa y ta trata e peticionnan.
E mandatario a pidi pa cuida e beachnan. Gobierno a drecha di e beachnan di Arashi te Eagle. Awo ta responsabilidad di esunnan cu ta campa pa cuid’e. El a indica pa tene na e reglanan ricibi riba e permiso y asina tur hende por gosa di nan. E ta un luga dushi pa relaha y tin suficiente luga pa tur hende.
Den e ultimo dianan riba media social a bin un discusion si a nenga permiso di campamento. E mandatario a reacciona riba esaki di cual el a mira hende menciona Fisherman’s Hut y Eagle Beach. Esaki tabatin un mal entendimento riba e ley di ROPV cu a drenta na vigor aña pasa na september. ROPV ta un ley cu ta conserva naturalesa y beach. Pa loke ta e luganan di campamento tradicional ta keda intacto, nan ta bestaande situatie a base di ROPV. Y campamento no ta algo structural.
Pa mas lesa TREMPAN.COM.
