Tabata un honor pa e mandatario di por tabata presente na Parke Wilhelmina, pa compaña e comunidad Peruano den celebracion di un dia historico asina importante pa Peru. Dia 28 di juli 2021, Peru ta celebra su 200 aniversario di independencia di nan pais, un lucha manera e mandatario corectamente a señala, cu a inspira Aruba tambe den su lucha pa libertad.
Minister Glenbert Croes a consider’e un privilegio di por comparti cu e lidernan di e comunidad Peruano aki na Aruba, demostrando cu su presencia, su gratitud na un comunidad ehemplar cu a sa di integra, comparti, convivi y contribui grandemente na construccion di nos pais Aruba.
E mandatario a extende su palabra di felicitacion, gratitud y admiracion na e comunidad Peruano – Arubiano.
