Recientemente Miguel Mansur, lider di fraccion di Accion21 den Parlamento, a indica cu Aruba lo tin un parlamento ta bezig ta fix su mes. El a menciona varios parlamentario.
Parlamentario Mansur a menciona cu supuestamente Minister mr. Geoffrey Wever ta bezig ta fix un posicion pa colega Parlamentario Yarzagaray, particularmente na CBS. El a indica cu Setty Christiaans-Yarzagaray (Setty) lo tin bista riba e puesto di director di Centraal Bureau voor di Statistiek (CBS).
Riba e ponencia aki, mr. Geoffrey Wever, Minister di Asuntonan Economico, bou di cual CBS ta resorta, durante e tratamento di presupuesto 2023, a reacciona y a nenga categoricamente cu esaki t’e caso.
E mandatario a sigui bisa cu si el a mira un Setty Christiaans-Yarzagaray hopi activo den Parlamento y enberdad un interes special den CBS. Pero esaki lo ta debi n’e background di Setty, cu prome cu el a drenta politica, e tabata traha na CBS. Un interes special den e NSS cu Ministerio di Asuntonan Social ta bezig cu ne actualmente, un bes mas door di su background y su pasion.
Pero cu tin palabracion concreto encuanto fixmento di un posicion special pa Setty Christiaans- Yarzagaray den CBS, esey absolutamente no t’e caso.
Si minister mr. Geoffrey Wever ta lamenta tipo di expresionnan aki profundamente, cu kier uza un asina yama ‘smokescreen’ pa crea discordia.