Diabierna anochi alrededor di 7:00 pm a sosode un accidente poco mas pariba di Well Well Bar na Hooiberg. Aki ta caminda cu un auto marca Nissan modelo Cube color blanco, numera A-67747 biniendo for di pabou a bay lora na su banda robes pa bay direccion Hooiberg pero no a mira un brommer sin number color blauw cu blanco cu tabata biniendo for di pariba.
Bisiñanan a conta cu ta un rato prome tabata scucha un brommer ta ref den cercania. E motociclista a cay y fractura su pia banda robes. Den algun minuut, ambulance a presenta na sitio pa brind’e atencion medico.
Daño material tabata considerabel tanto n’e Cube como n’e brommer. Mientras cu e polis di trafico a cuminsa cu e proceso di documenta e accidente, un otro patruya a cera caminda pa e por traha libremente.
