Recientemente Minister di Naturalesa, Ursell Arends tabata na isla ruman di Corsou como invitado na un conferencia tocante cambio climatico y maneho di awa, mientras cu algun dia atras tabata na Aruba di bishita Minister Mark Harbers di Infrastructura y Maneho di Awa di Hulanda. Ambos ta señal di un cooperacion mas estrecho den reino riba e tema di clima y agricultura, segun Arends a splica, indicando cu pa 2023 Aruba lo ta sede pa un conferencia di reino riba e ultimo aki, ademas di forma parti di e delegacion di Hulanda na Nacionnan Uni na conferencia di awa.
E idea ta pa bin cu plan y compromiso concreto cu cu cada pais lo haci riba pa mitiga impacto di cambio climatico y con ta bay maneha awa. Tur isla lo haya chens di presenta den ki direccion nan kier bay den e conferencia lidera pa Hulanda y Tajikistan. Hulanda, manera ta conoci, ta bou nivel di awa pa cual a asumi responsabilidad pa lidera mundo den e tema aki, asina Minister Arends a splica. E hunto cu Minister Wever-Croes, den su calidad di titular di Infrastructura, lo atende e conferencia aki como parti di e delegacion di Reino.
Durante e encuentronan aki a keda estableci cu cada isla tin un punto fuerte cu por yuda otro cu ne. Minister Arends: “Tin hopi conocemento den reino y cu e sosten tecnico di Hulanda, por yega hopi leu.”
Pa e relato completo, lesa edicion di TREMPAN
