Tin hotelnan ta keha riba e situacion di bendemento di droga entre Riu y Hilton y cu polis no ta actuando, pero tambe esunnan cu ta traha bandi beach ta pleita cu otro dilanti di turistanan.
E ministerio di husticia tin un maneho hopi estrigente riba esaki, cual tin nan atencion. Minister di Husticia, Andin Bikker, hunto cu Cuerpo Policial ta evaluando riba un mobile unit. Esaki ta pa asina nan por ta mas visibel den e area.
Segun Minister Bikker, nan tin otro ideanan pa adresa e situacion aki nan. E cosnan aki tin e atencion di ministerio husticia. “E casonan specifico aki no ta di awor mi ta confronta cu nan, pero e ta algo cu den e maneho constantemente nos ta adresa nan.” E remarke cu Cuerpo Policial no ta actuando, Minister Bikker no ta identifica su mes cun’e. E situacion tin e atencion di Cuerpo Policial.
