Fitch y Standard & Poor’s a informa cu los dje situacion financiero, e outlook ta uno stabiel ya cu Hulanda ta financia Aruba. E dos rapportnan aki semper a indica cu e relacion entre Aruba cu Hulanda den Reino, ta algo positivo p’e credibilidad financiero di Aruba. Gobierno a ricibi un claridad riba e debe haci cu Hulanda.
Xiomara Maduro, minister di finansas, a bisa cu durante pandemia e echo cu Aruba por a haya yudansa dentro di Reino pa locual ta e financia aki, a yuda pa tene Aruba su economia bibo. Hunto cu ne tambe credibilidad financiero di pais Aruba.Esaki ta algo importante p’e echo cu 1) tin bon relacion cu Reino y 2) e echonan cu por a haya e financia aki y echo cu por a sigui conta cu esaki.
Locual ta bira e decision di Conseho di Reino siman pasa diabierna, a indica dos cos importante. E mandatario a indica importante ta e debe acumula cu Hulanda, esta 915.5 miyon florin, ta extendi, kiermen ta refinancia na 0% y ta bay dilanti pa october. Despues di diesocho luna ta bay indica kico lo pasa cu e debe aki. E echo cu ta haya esaki ta duna Aruba e ora ey e trankilidad, e stabilidad financiero como pais. Esey tambe tur dos ta indica.
Tambe nan a indica cu e implementacion di landspakket pa Aruba sali mas fuerte dje situacion cu ta, tambe ta algo importante. E parti cu ta bisa cu Aruba no ta haya placa fo’i Hulanda, segun e mandatario loke no a haya ta e diesdos miyon na likides. Esey ta p’e parti di presupuesto y claramente ta bay exigi na un otro disciplina. Esey ta significa e ora cu lo haci menos gasto ya cu no tin e fondo pa por cubri e parti aki. E parti mas importante di e reunion ey tabata pa por a haya un decision, pa por a crea un claridad ariba locual ta bira e debe grandi cu Hulanda.
Pa mas lesa TREMPAN.COM
