Algun biaha por a scucha cu probablemente no ta introduci BTW of si ta evaluando pa hisa e porcentahe di BBO. Minister di Economia a splica durante conferencia di prensa cu ainda nan ta haciendo e calculacion final y cu pronto lo bin mas claridad riba esaki.
Minister di Economia, mr. Geoffrey Wever, a splica cu ainda ta den combersacion pa loke ta trata BTW, pero gobierno lo duna mas informacion riba esaki pronto. Tanten no tin un comunicacion di parti gobierno ta pasobra ainda e calculacion final ta den preparacion.
E impacto den e parti di aumenta BBO y no bin cu BTW, segun e mandatario, esey ta e calculonan cu ta den preparacion. Nan sa di e impacto dje aumento di e desaroyo nacional di prijs di awa y coriente, gasolin ta haci caba. E mandatario kiermen cu a haci calculacion caba pa loke ta e inflacion si introduci BTW, esey lo varia segun e calculacion entre 10.7% y 15.3% di inflacion causa gran parti door di awa, coriente y gasolin. Tambe BTW lo produci riba su mes entre 2.5% y 5.3% di inflacion adicional.
Eseynan ta e calculonan cu ta den preparacion pa por evalua e decision. Wever a sigui indica cu su persona no tabatin mas informacion pa comparti riba e topico aki. El a indica cu dentro di poco lo bin mas claridad riba e topico aki.
