Directiva di Centro di Bario Playa Pabao ta habri su portanan p’e habitantenan di Playa Pabao cu e siguiente servicio: nan ta bay yuda pa procesa e formulario “inkomstenbelasting” pa e aña 2021 riba diamars 30 di augustus y diahuebs 1 di september di 6.30 pm pa 9.15 pm.
Loke bo mester trece ta:
- E formulario cu bo ricibi di oficina di impuesto 2021
- Bo cedula of rijbewijs
- Bo resumen di bo salario di aña 2021 y si bo ta casa di bo casa tambe
- Nomber completo y fecha di nacemento di bo yiunan cu a bay scol 2021
- Declaracion di gasto di hipoteca y prestamo personal
- Gasto di medico cu AZV no a paga pa aña 2021
Tene cuenta cu nos ta yena un formulario pa persona pues no por bin cu un formulario di un famia, colega of un bisiña y nos ta procesa solamente declaracion personal y no di persona cu tin su propio negoshi.
