“Masha pabien pa henter nos pueblo y laga e dia di awe ta uno di refelexion si bo sa pakico e ta un di dia oficial liber decreta pa gobierno pa honra e legado di un gran estadista Arubano, awe den feliz memoria, Betico Croes”, asina Minister Dangui Oduber a vocifera awe riba e dia nacional.
“Hisa bo bandera, nos simbolo di libertad y union. Danki na su vision awe nos por a logra e anhelo di nos pueblo, un pueblo liber”, di acuerdo cu e mandatario cu ta yiu homber di e politico mas cerca di Betico Croes, esta ex-Minister President Nel Oduber.
“Apesar cu awe e situacion financiero ta preocupante y e consecuencianan di e pandemia tin nos cu CAFT y awor un “COHO“, ta keda na nos spirito di lucha, si nos ta dispuesto pa haci sacrificio pa keda lucha pa nos libertad. Celebra e dia special cargando bo bateria cu energia pa sigui lucha! Awe ta un dia importante den historia di nos pais”, Minister Dangui Oduber a termina bisando.
