Dialuna mainta 7:30am, Minister Dangui Oduber, encarga cu maneho di Turismo, Salud Publico y Deporte a anuncia riba su pagina di Facebook cu “Turismo ta keda driver di nos economia”. Mas leu e mandatario a subraya a hecho cu REV PAR (revenue per available room) a aumenta cu 12.7%. REV PAR di Aruba ta e di 3 mas halto den Caribe. Grado di occupacion di hotelnan ta na 88%. Di acuerdo cu hoteleronan, e aumento aki tin di haci cu limitacion di cambernan den Caribe debi na horcan. Varios mercado ta pasando dor di reto pa renoba y hasta reconsteui hotelnan completo cu a keda destrui despues di pasada di dos horcan aña pasa. E turistanan ey awor ta bishitando Aruba, cu ta haciendo e aña aki un record pa turismo. Minister Oduber ta considera cu “Turistanan di calidad yegando Aruba”. Na final e Minister encarga cu tres cartera hopi pisa y complica a skirbi cu “Nos ta cumpli cu loke nos a core campaña cune”.
