Diamars atardi Ministerio di Turismo, Ministerio di Deporte y Aruba Tourism Authority a lansa un proyecto innovativo cu ta fit den e vision y maneho di turismo y den e caso aki di salud tambe. E proyecto aki yama QR FIT. E ta un proyecto caminda nos local y turistanan pa medio di nan telefon, por scan un QR code cu lo ta accesibel riba e caminda di Boardwalk Malmok y nan lo por scoge diferente ehercicio.
Manera bo scan e QR code, esaki ta mandabo di biaha pa un website unda bo por haci ehercicio for di e pagina web mes of bo tin opcion pa bo baha un aplicacion. Tin diferente categoria, esta beginner/ intermediate/ advanced y 60 diferente ehercicio. Tur dia lo tin uno diferente disponibel pa hende por scoge fo’i dje.
“E proyecto aki di Boardwalk Malmok ta un super bunita proyecto financia cu fondo di TPEF, di cual a inclui fase I y 2 y awo ta bay cuminsa fase III. Esaki ta un proyecto cu lo ta hopi usa p’e localnan pero tambe p’e turistanan. Awo cu lo ofrece e QRFIT aki nos ta convenci cu mas y mas persona lo usa e area aki. Nos ta stimula prevencion den salud y e proyecto aki ta un manera pa motiva nos comunidad pa ta mas activo. E maneho di turismo ta dirigi riba e modelo high value low impact y proyecto asina sigur ta fit den e categoria aki. Innovacion tambe ta central den nos maneho y hopi proyecto ta cay bou di e capa aki. Un ehempel mas di esaki ta ora nos a lansa e Aruba Health app pa facilita e experiencia di e biahero durante e pandemia,” ta loke e mandatario a comenta
Consecutivamente, a lansa e proyecto Aruba Happy One Pass cu lo mester bay duna ebviahero un seamless travel experience y a lansa e proyecto QR Fit. Tur esaki ta den cuadro cu e vision di e ministertio, incorporando innovacion, prevencion y sostenibilidad.
“Mi kier a gradici colega Croes, Ibisa y ATA pa conhuntamente lansa un proyecto cu no solamente ta uno innovativo sino uno cu lo percura pa stimula mas hende haci uzo di boardwalk malmok pa tin un communidad mas activo y mas saludabel.
