Diaranson a tuma luga e anuncio di e Aruba Aviation Expo, relaciona cu 100 aña di aviacion na Aeropuerto Internacional Reina Beatrix.
Presente tabata t’ey Minister di Turismo, Dangui Oduber cu a bisa cu su ministerio di turismo ta trahando riba diversificacion di nos turismo. Den e cuadro aki por a wak cu ya caba Aeropuerto di Aruba a logra diversifica den e mercado Mericano mes. E aerolineanan mas grandi di Merca a haci expansion di nan vuelonan pa Aruba. ta trata di entre otro Jet Blue, Delta y American Airlines.
Tambe por a nota un diversifacion di vuelonan di Colombia, unda cu diasabra lo tin un vuelo inaugural Wingo directamente for di Cali. Wingo tin vuelonan tambe directo pa Bogota y tambe Medellin. Por bisa cu e mercado di Colombia tambe ta bayendo hopi bon.
E aña aki ta un aña di expansion di vuelonan di Merca pero tambe den region Suramericano. Y tambe tabatin vuelo di British Airways directamente for di Londres.
Pero tambe e minister a bisa cu nan tin miras pa bin cu vuelonan for di Brasil. Ya caba por a mira cu nos isla ruman Corsou siman pasa a ricibi e prome vuelo directo di Brazil. E vuelo lo conecta e hub di Azul na Minas Gerais cu Corsou.
Aruba ta den negociacion pa un vuelo directamente for di Sao Paolo, pero segun e mandatario a bisa, no tin nada concreto ainda.
