Prensa, parlamento, miembronan di e gabinete y otro invitadonan a bin cera conoci cu e helicopter. Algun siman pasa tabata tin e evento pa forma e MoU. Despues a formalisa e aspectonan di e helicopter.
Segun minister di husticia, Andin Bikker a sigui splica cu e helicopter mes a yega entre tanto. Ultimo biaha tabata en espera di e helicopter, pero tabata tin un retraso riba cierto aspectonan di Venezuela.
Pero e helicopter tey, aproba pa parlamento, ya pa dos presupuesto caba y awo e ta un hecho. Den apenas un paar di dia cu el a yega Aruba, ya caba el a mustra su balor agrega y awor aki ta biniendo un luz adicional pa e por expande su buelonan anochi y tambe tin un unit special pa ora cu tin candela den espacionan cu ta poco accesibel pa autonan di brandweer, cu e por recoge awa y eynan paga e candela.
Por ehempel hopi biaha tabata tin aspectonan cu tin candelanan riba dump na Parkietenbos, cu hopi biaha autonan di brandweer ta yega eynan sin cu nan haya daño basta formal. Cu e aparato aki, facilmente por recoge awa y e tipo di candelanan aki por wordo combati tambe. E helicopter ta un balor agrega tanto pa Cuerpo Policial como tambe pa brandweer y tur e otro dienstnan cu por haci un apelacion riba dje. Esey ta e dimension pa ampliacion di e siguridad di nos fronteranan, pero full pais Aruba.
Minister Bikker a splica riba e dimension pa loke ta trata helicopter y esun di Kustwacht. Kustwacht, riba articulo 13, ta e binnenwateren te cu costa di Aruba, esey ta e luga di operacion. Como minister di husticia, cu ta responsabel riba full e siguridad di pais Aruba y tambe turismo, e helicopter aki tin balor agrega pa e dimension di turismo. Ta algo cu tin den e acuerdo di gobernacion. Dos biaha parlamento a aprobe y e helicopter tey pa keda.
Mester tin evaluacion di eficiencia pa e helicopter. Awor aki ta den proceso pa registra e helicopter y mester tin’e aki. Tin cu wak si esaki ta e tipo di helicopter cu por funciona den e area aki.
Stabilidad
Minister Bikker no ta experto, pero e helicopter aki ta esun cu e comision cu a duna conseho riba cua ta esun cu lo por sirbi e necesidadnan di Cuerpo Policial optimalmente y a base di e decision di conseho di minister, tin e helicopter awe. E helicopter aki ta un tiki mas grandi cu esun cu tabata tin caba.
Birds eye view
Ora cu tin un incidente cu mester di surveillance for di halto, e ora ta un helicopter tin mester. Esey ta e dimension adicional. A haya diferente comentario. Den fin di siman mes, e minister tabata den e area hotelero y a haya comentario di turistanan cu nan ta sinti nan safe cu tin un bista for di halto, cu e helicopter ta bula. Na final di dia, mester pensa cu nos ta biba di turismo y tur aspecto di siguridad por contribui pa e dimension aki. Tabata tine caba, pero lamentablemente tabata tin otro pensamento antes. E helicopter ta un balor agrega, mirando e situacion di Venezuela, cu ta experenciando diariamente su efectonan, cu esaki, hunto cu radar y otro instrumentonan di maneho, ta convenci cu e helicopter tin su balor agrega.
