Asociacion di Tireshop a manda un comunicado mustrando nan punto di no ta acepta cu nan ta bay acepta taira di cliente pa benta afo. Minister di Medio Ambiente, Ursell Arends, a indica pa su persona dialuna tabata un dia positivo. E mandatario ta convenci di a duna oportunidad na esunnan cu kier a bin dilanti pa duna un solucion.
Un total di nuebe tire shop, cual segun e mandatario a bira shete, no ta bay coopera cu e proyecto aki, tin mas di dies compania di taira a comunica cu nan si ta bay coopera. E mandatario ta haya cu esaki ta un tema di servicio y full service. E pueblo di Aruba sa cu si nan kier un servicio completo (full service) nan ta bay n’e companianan unda si ta contribui positivamente na entrega e tairanan na EcoTech pa ta procesa.
Pueblo di Aruba tin escogencia. “P’esey mes mi ta kere cu esun cu ta coy e taira y tir’e unda cu ta, lo tin enforcement tambe pa zorg pa naturalesa wordo respeta”, Arends a bisa. E ta di pensamento cu tin hopi mal informacion eyfo, p’esey ta na su luga pa informa pueblo debidamente.
Pa loke ta e costo di AWG 190.80 pa ton ta menos di 3 florin pa taira, cual ta rond di 90 cen pa luna y pa un aña. E ta kere cu si un persona ta cambia taira cada dos aña, e ta menos cu esey. Esaki ta loke e companianan por a scoge pa incorpora den nan prijs y esunnan cu no a scoge pa incorpora e prijs, e mandatario a expresa ta kere cu na final pueblo tin escogencia y lo realisa cu kier un servicio completo. Tin e posibilidad cu nan ta sali perhudica.
