Lider di partido AVP, Mike Eman, a expresa cu sufrimento lo termina, pasobra e pueblo Arubano no por sigui biba riba 60% di salario. Tin cu yega bek unda cu tur hende tin nan salario completo.
Tampoco Aruba por biba cu 15 mil desempleado y p’esey AVP a haci e compromiso di rescate economico den e prome dia di gobernacion.
Aruba no por sigui biba cu ta destrui scolnan, humilia maestronan. Eman a expresa cu nan lo rescata enseñansa di Aruba. Segun e cifranan internacional, Aruba ta di diesshete pais den Caribe, den porcentahe di vacunacion, pero e isla merece miho. El a haci un recompilacion di e gobierno aki, hasta cu yudansa di Hulanda, nan no tabata sa di a pone Aruba na prome luga den Caribe.
Tin mas di 80 persona fayeci, cuido intensivo y hospital ta yen, specialistanan ta cansa. Pero ora di tende gobernante, nan ta papia di ta satisfecho con e proceso ta cana.
Ki mishi ora bo a pone criteria cu personanan riba 60 aña, ta tende cu ruman y primo di 30 of 40 aña ta vacuna, el a expresa. Cos aki ta inacceptabel y p’esey pa caba cu friends & family. Eman a papia riba e procentahenan di vacunacion den Caribe y tin diesseis pais cu ta riba Aruba.
