Perdida di dokter Tim Peterson sigur ta un hecho hopi lamentabel, pasobra e ta un persona sumamente cualifica. Segun lider di fraccion di AVP y ex-prome minister, Mike Eman, a comenta cu ora cu ta papia di e temanan aki den parlamento, no ta papia den e forma di bisa cu AZV tin rason, hospital tin rason of dokter Peterson tin rason. Ta papia di e forma kico t’e resultado final desea. Y e resultado final ta cu e dokter ta keda. Pasobra e ta un bon dokter, un dokter cu a aporta grandemente na Aruba y un dokter cu por sigui aporta.
Esey t’e resultado final cu lo kier como un lider politico, como un gobernante irespecto ken tin of no tin rason. Mester haci e trabao pa finalmente repasa tur e diferencianan y yega na un solucion cu tur por ta contento cu ne, cu e dokter ta keda. Pero lamentablemente esey no a sosode.
Awe nos tin cu e dokter aki ta bay. E dokter aki pa tur su añanan di experiencia, pa tur su conocemento cu e tin, a haci tambe e esfuerso pa purba di yega na un solucion. Pero den esaki e diferencianan cu tabatin entre hospital, AZV y e dokter mester a overbrug door di un tercer instancia, gobierno of minister cu por a trece nan hunto. Pero esaki no a sosode.
Ta lamenta pasobra Aruba a perde un otro dokter. Ta perdiendo dokter na racha cu ta bandonando Aruba.
Pa cobertura mas amplio lesa TREMPAN.
