Aunke nan ta un fundacion nobo y chikito, e trahadonan di Respaldo tambe ta sinti e efecto di 5,5%. Esey ta loke cu presidente di ABV, Gina Maduro a menciona. “Cada cas tin nan cruz,” ta loke el a splica, despues di a tene un reunion cu hospital y tambe minister Dangui Oduber, riba e CAO, unda cu nan tambe mester a entrega e 5,5%, unda cu sigur nan tambe a sinti e efecto.
Respaldo ta mandando un comunicado pa informa su trahadonan.
E situacion di Respaldo ta menos erg cu hospital mirando cu nan ta un fundacion nobo y chikito, pero tambe ta sinti e efecto di 5,5%.
Maduro a menciona di ta pending pa haya contacto cu Raad van Bestuur di Respaldo. Una bes cu e comunicado sali p’e trahadonan p’e trahadonan di Respaldo, ABV logicamente mester tene un reunion general y no ta descarta cu lo bin un walk-out su tras.
Extra informacion cu nos a ricibi ta cu diabierna, directiva di ABV lo bay reuni, sigui pa un reunion dialuna cu e trahadonan. Esaki por bay resulta den un accion.
Fuera di esey parti diamars lo bay tin un reunion na ImSan pa despues reuni cu e trahadonan, sigui pa un eventual walk-out.
Mas den siman por bay bin un accion na SABA. Nos lo keda pendiente p’e desaroyonan referente e institucionnan aki.
Pa cobertura mas amplio lesa TREMPAN.
