E pakete di medida pa 2023 lo ta devastador pa e pueblo, pero tambe pa empresanan mediano y chikito. Analisando den profundidad e leynan cu lo wordo imponi pa 2023 e Lider di Fraccion di AVP mr. Mike Eman ta constata cu e consecuencianan di tur locual lo bin tambe pa e empresarionan lo strangula e empresanan y afecta nos economia severamente.
Eman ta mustra cu no ta solamente e y su fraccion pensa asina, pero tambe Raad van Advies. E ta cita: “De Raad vreest dat de gebruiklijkloonregeling, zoals die thans wordt voorgesteld verstrekkende gevolgen zal hebben voor de MKB”; “De Raad ziet verder door de voorgestelde belastingmaatregelen aanzienlijke risico’s ontstaan op sociaal- en macro economisch gebied”.
IMPUESTO RIBA SALARIO FICTICIO
Un di e medidanan cu e gobierno di MEP/RAIZ ta bini cu ne ta cobra un impuesto basa riba un salario ficticio cu gobierno ta bay impone riba e director of accionista di un compania (vennootschap). Si e doño no ta tumando un salario of ta tumando un salario abao toch den e pakete di medida ta inclui un clausula (gebruikelijkloonregeling) cu gobierno ta bay impone un impuesto basa riba un calculacion di kico un persona asina segun gobierno ta suppose di gana. E hecho cu hopi doño/accionista ta haci sacrificio pa no tuma salario halto for di su empresa pa por mantene e compania den operacion no ta interesa gobierno. E gobierno di MEP/RAIZ no sa of ta haci manera nan no sa cu ta hopi ta e companianan cu ta keda factibel pa motibo cu e doño/accionista ta haci e sacrificio aki: ta paga tur empleado prome cu e propio doño/accionista ta tuma un salario. E suma minimal cu lo aplica ta 48 mil pa aña.
BEROEPSVENNOOTSCHAPPEN
Hopi ta e companianan cu lo wordo afecta, pasobra cu e empresa no ta produci e placa ey pa e director/doño. Pero tambe tin hopi empresa di cierto ofishi (beroep vennootschappen) cu tambe ta tene e empresa den operacion y vibrante a base di un reparticion di e bienes di e compania pa hacie mas factibel y atractivo posibel. E companianan aki tambe lo haya nan confronta cu gobierno ta bay bisa kico un salario di un dokter, dentista, arkitecto, administrador, abogado of ingeniero mester ta den su vennootschap. Cu austeridad cu propio salario hopi biaha e doño/accionista ta crea espacio financiero pa inverti den engrandece y innova su empresa. Esaki tambe sinti e efecto dor di e medidanan di e gobierno di MEP/RAIZ.
RAAD VAN ADVIES TA BATI ALARMA
“De Raad vreest dat de gebruiklijkloonregeling, zoals die thans wordt voorgesteld verstrekkende gevolgen zal hebben voor de MKB, dat van wezenlijk belang is voor de economische groei en de werkgelegenheid in Aruba. Het voorstel belemmert de ondernemers in het MKB en prikkelt niet om te gaan ondernemen”.
Eman ta bisa cu advertencia di Raad van Advies ta hopi cla riba e “gebuikelijklooonregeling”, pero tambe e otro medidanan den e pakete di MEP/RAIZ e instituto di conseho ta mira consecuencianan negativo pa empresanan, economia y clima di inversion. Lo strangula henter e pueblo di Aruba pa e pakete di medida aki mr. Mike Eman a enfatisa.
