Parlamento tabatin un reunion porta cera unda a trata e topico di salario. Na momento cu ta papia di salario di director ta baha, esey ta significa esunnan bou dje tambe ta baha.
ing. Mike de Meza, parlamentario di AVP, a indica cu si tuma director manera di WEB, un compania cu tin un revenue riba cinco shen of seis shen miyon florin, e ora mester ta preocupa ora di pone limitacion y ta haya e tipo di ingeniero, trahado di accounting cu hopi experencia ta bay laga e compania. Por a mira esey por ehempel den e caso di SETAR, di cual hopi a bay laga nan. Ya caba e parlamentario a tende fo’i trahado di SETAR cu hopi ingeniero a dicidi di traha otro caminda. Esaki ta bin pa motibo cu e competencia ta uno hopi grandi y atractivo internacionalmente.
ing. Mike de Meza, parlamentario di AVP, a indica cu si tuma director manera di WEB, un compania cu tin un revenue riba cinco shen of seis shen miyon florin, e ora mester ta preocupa ora di pone limitacion y ta haya e tipo di ingeniero, trahado di accounting cu hopi experencia ta bay laga e compania. Por a mira esey por ehempel den e caso di SETAR, di cual hopi a bay laga nan. Ya caba e parlamentario a tende fo’i trahado di SETAR cu hopi ingeniero a dicidi di traha otro caminda. Esaki ta bin pa motibo cu e competencia ta uno hopi grandi y atractivo internacionalmente.
Tin e percepcion cu e hendenan aki ta gana hopi, pero esey no ta berdad. Si analisa regional, rond mundo of den reino mes, por mira cu e grupo ey den compania estatal no ta berdad cu nan ta gana buitensporig (excesivo). Pero e macambanan ta esunnan cu ta gana buitensporig, pero ehecutivo na Aruba nunca a gana esey.
De Meza a indica na momento cu director su salario baha e midden management ta baha manera e chef di dienst, incluso e trahado mas abou. E ta un trickle effect cu ta bay ful abou. El a referi na e dicho “when you pay penished you get penished, garbage in garbage out.” El a sigui bisa cu mester tene cuidou, pasobra si kier duna pinda ta macaco ta bay haya. “Si kier paga payaso, ta un circo ta bay haya.” Tin di tene cuidou kico ta bay haci cu compania estatal.
Si ta busca profesional pa opera compania estatal, e ora mester trata nan como profesional tambe. E ta di pensamento cu e no mester ta paga di mas (buitensporig), pasobra no ta paga nan paga di mas. De Meza a recomenda pa haci un analisis y aki por mira cuanto e salario dje directornan ta, cuanto e salario di midden management y trahado ta.
Asina ey por mira p’e industria cu nan ta traha den dje, e responsabilidad cu nan tin, nan no ta paga di mas. Hasta por ta sorpresa di mira cu tin di nan ta paga mas bou dje prijs di mercado.
Gobierno tin di ta cauteloso y no yega pone asina no mas, sin evalua. Te dia di awe gobierno no por a presenta un evaluacion total riba e mercado aki, e industria aki, pa mustra si realmente nan ta gana di mas.
Pa mas lesa TREMPAN.COM.
