No mester lubida cu cosnan ilicito cu aparentemente tur hende ta papia di dje, ta origina na Venezuela. Nan ta claim cu nan ta bin Aruba. No ta na Aruba tin actonan ilicito ta tuma luga, cu algun excepcion di hendenan cu a bay Venezuela y busca por ehempel gasolin pa trece Aruba. Por mira cu husticia na Venezuela tambe a tuma accionnan eynan.
Segun parlamentario di AVP, Mike de Meza, na momento cu e asunto di koper tabata un issue grandi, na Aruba, pero na Venezuela tambe, caminda cu for di Venezuela ta purba di exporta esaki y import’e na Aruba, pa na Aruba wordo tuma over y despues exporta. A tuma accion, caminda cu ex minister di Husticia a bin cu reglanan nobo , caminda cu Mike de Meza como minister a firma esaki. E tempo ey e tabata minister di asuntonan di economia, cu tur esaki a wordo regla. Tur koper cu ta wordo cumpra door di esnan cu ta exporta esaki, mester a bay cu e documentacionnan adecuado y ta wordo scrutina, caminda tur esaki ta wordo entrega na e directora di departamento di asuntonan economico, caminda cu e tin cu duna un conseho riba dje. Na fin di dia ta bay cerca e minister di economia pa firma esaki. E ora ey nan ta wordo certifica pa por exporta koper. Por a mira corectamente, cu di inmediato bo por a mira un rebaho significante den hortamento di koper na Aruba.
Pero den importacion tambe di koper na Aruba. E no a keda solamente na koper. Un di e productonan tambe cu a para cu tabata bin for di Venezuela tabata webo. Webo tabata wordo importa pa dos rason esaki a wordo para. Uno ta pa salud publico, pasobra ta wordo transporta, no den vrieskasten y e condicion di temperatura cu nan tabata den dje pa ora yega Aruba, e webonan por daña y por causa daño na salud publico. Tambe a tuma contacto via consul general na Aruba, pa haya sa cu tin mas producto, pasobra tin di compronde cu ora a splik’e kico ta haciendo cu en berdad Venezuela tabata tin algun producto pa nan kier pa e paisnan cu ta bisiña di Venezuela, yuda nan den esaki pasobra nan no tin mag di sali for di Venezuela.
Tabata tin diferente combersacion cu Gobierno di Venezuela. Tabata tin dos ocasion na 2015 y na 2016. Un delegacion grandi cu a bin di Venezuela cu comerciantenan, pero nan tabata wordo acompaña pa e minister di comercio di Venezuela cu a bin Aruba, caminda cu a tene workshop y a tene un conferencia, unda cu ATIA y otro comerciantenan di Aruba tambe tabata envolvi den dje, cu por a sinta y papia di diferente posibilidadnan positivo cu Aruba tin den comercio cu Venezuela y Venezuela cu Aruba.
Pero na e mesun momento a papia tambe di algun di e casonan cu ta causa problema cu ta productonan ilicito cu por bin for di Venezuela y a sinta na diferente ocasion tambe hunto cu ex minister Dowers, hunto cu kustwacht, APA, Douane, diferente departamento, pa pone mas regla estricto pa ora tin e trafico entre Venezuela cu Aruba. Tabata tin un momento cu Freezone tambe a alerta Gobierno cu e accionnan aki pa discuti’e bon cu nan, pa nan por informa nan clientenan, pasobra e ta asina estricto cu e ta trece e ora retraso of obstaculasizacion pa nan operacion. E gobierno aki a actua y tabata tumando e accionnan necesario. E tabata asina cu den discusionnan y dialogo cu consul general di Venezuela, e tempo ey a manda Gobierno anterior algun di e productonan cu a investiga, cu no tabata bin Aruba, pero cu tabata riba nan lista y a keda cu si na momento cu tin e necesidad di Venezuela cu ta mira cu cierto cosnan ta tuma luga, pa informa gobierno di Aruba cu por actua riba esaki.
