Minister Mike de Meza a presenta na Colegio Arubano San Nicolas pa asina e eherce su derecho di voto. Eleccion pasa, e no a vota na e urna aki, sino na Graaf Von Zinzendorfschool, na unda cu por mira no hopi biaha, pero tabata tin algun cambio.
Minister de Meza ta sinti su mes hopi positivo riba e dia di awe. Te cu ayera nochi laat nan tabata druk ainda. Pa 5’or di awe mainta nan a bay Baby Beach pa ricibi e bendicion divino, manera tur cuater aña nan ta haci. Despues cu a keda cla, a bay yuda e grandinan cu no tin transporte y finalmente den oranan di merdia, de Meza a bay vota.
E diferencia
E campaña aki sigur tabata uno hopi mas organisa, den sentido di e cantidad di hendenan cu a yuda, e movecion tur caminda cu nan a bay. E manera cu a wordo ricibi tambe tabata hopi caluroso, cu hopi alegria hopi contento, lagabo sinti bon.
Cambio
Awendia, cu smartphone, bo por ta tur caminda. Tabata algo cu e team di de Meza, cual tabata hoben, nan tabata hopi entusiasma y fanatico y a kere den dje. Por a mira e trabaonan cu a tuma luga. Esey ta ponebo sinti bon. E grandinan ta aprecia, pero ora bo mira e hobennan cu a bin ta aprecia e trabao cu partido AVP a bin ta haci den 8 aña, ta lagabo sinti bon. Esaki ta e manera cu pueblo ta pagabo bek. Nan ta scogebo y ora bo haci un bon trabao, nan ta dunabo e apoyo. E ta un muestra tambe cu tur esnan mira e movecion cu nan ta Goberna hunto cu pueblo y pa pueblo. Esey ta nifica cu e sosten tambe mester bin di pueblo y awe ta e dia cu Pueblo por expresa esey, door di duna e mandato.
Tur esnan cu no a vota ainda, bay na bo urna y mark’e berde, pasobra berde e ta.
