“Awe riba dos di januari 2023, un aña cu mester ta un aña productivo, un aña yen di reto positivo, un aña cu futuro pa un y tur, un aña cu mester brinda pueblo cu e realidad, berdad y sinceridad”, asina lider di PUEBLO PROME, Michael Williams a inicia cu su mensahe pa aña nobo.
Williams a continua cu su mensahe indicando cu esaki ta e mensahe cu pueblo kier tende, un pueblo bek na pi’i trabou, e pueblo cu no ta entrega su autonomia, un pueblo cu ta para y defende su escudo y bandera y cu no ta laga otro entrega nos na madre patria.
Na momento cu ta cera frontera nos por mira con debil y con hopi hende ta drenta Aruba.
“Un Gobierno debil y sin futuro pa e pueblo”, Williams a remarca. E aña ‘ki e gobierno mester bira fuerte, danki na e pueblo a soporta tur e medidadnan y tur locual nos a wak cu nan a priminti y no a cumpli.
Entre algun di e promesanan ta:
- Un waf na San Nicolas pa baha e prijs di container, sinembargo nunca e waf a yega.
- Un refineria cu promesa di trabou pa tur cu a studia, awo nos por mira con e refineria ta cay den otro.
Nos pueblo, ta un pueblo bati cu ta masacra pa medida y promesa falso pa por yega na poder. Den su mensahe, Williams, a continua bisando cu “nos kier cuminsa e aña aki positivo, nos no ta bay priminti bo Port City. Nos no ta bay priminti bo cu ta bay baha awa y coriente y keda sin cumpli. Nos no lo priminti cos cu nos no por haci.”
E politico a continua cu su mensahe indicando cu e no por priminti cu lo duna pueblo un miho bida, miho dokter y un miho situacion di AZV y awo pueblo mester paga pa tur esaki. Pa tristo cu e por zona, PUEBLO PROME, kier ta directo cu pueblo, nan kier drenta den bo cas p’asina bo por mira e diferencia. PUEBLO PROME bou di masacre politico, den otro paisnan a demostra kico nan ta capas di haci y kico nan kier haci.
“Cu e bandera di Aruba den mi man, nos kier bisa pueblo cu nos tin un compromiso cu bo pasobra pueblo mester ta prome”, asina Williams a indica. El a continua bisando cu pueblo mester ta number un.
Williams a indica cu a biaha pa Colombia caminda e Gobierno di e pais a habri brasa pa nan, y a indica cu lo tin un inversion di 350 miyon pa cuminsa cu un waf. E waf lo trece paz den e region cu tabatin guera, asina ta demostra cu por. Na Ecuador nan a drenta den tur sector p’asina mundo por tin cuminda.
Na Surnam e ta poniendo paso firme den sector petrolero, mineria y sector di cuminda. Na Guyana Ecuador, Honduras y Aruba PUEBLO PROME ta haciendo conan grandi. Na nos hermana isla Corsou lo haci soño di e Curasoleñonan realidad. Na Santo Domingo tambe Williams ta haciendo cosnan grandi.
Aña 2023 mester bira un aña cu tur hende por ta trankilo, por hari atrobe y ta contento cu e gobierno. “Nos no a sali dia 31 cu mensahe fofo, nos ta sali cu cosnan concreto pa mustra kico nos por”, Williams a expresa.
Finalmente Micheal Williams a indica cu e aña ‘ki conhuntamente lo logra pa baha awa y coriente, baha criminalidad, trece paz den tur cas y pa haci Aruba un pais caminda por biba trankilamente.
