Servicio Meteorologico di Aruba (Meteo) ta pronostica cu Diahuebs anochi shelo lo ta levemente te parcialmente nubla y generalmente seco. Diabierna marduga y den dia lo ta parcialmente nubla cu chens pa un awasero pasahero. Temperatura maximo 32 grado Celsius y temperatura minimo 26 grado Celsius.
Biento:
Biento lo ta modera te basta fuerte for di direccion oost te oost- noordoost cu forsa 4 te 5 (20 te 39 km/ora, 11 te 21 nudo). Den dia fuerte te duro, tin bes hopi duro den rafaga cu forsa 6 te 8 (40 te 64 km/ora, 22 te 35 nudo)
Situacion general di tempo:
Den proximo 24 oranan temporalmente lo bay pasa mas nubia riba nos region. Principalmente den oranan di marduga y mainta trempan e chens pa awasero pasahero ta existi. E diferencianan di presion di aire den area di Caribe ta grandi y pa e motibo aki biento tambe lo supla mas duro durante proximo dianan. Mas aleu por bisa cu stof fini den aire lo limita visibilidad un poco e dianan aki.
Condicion di lama:
Olanan di lama lo ta for di direccion oost- noordoost cu haltura di 6 te localmente 10 pia; e olanan di mas halto lo ta na costanan Oost, Noord te noordwest di e isla. Labaderanan cu ta bini di noordoost ta haciendo lama bruto na cierto localidadnan di nos costa. Un aviso pa olanan halto ta na vigor. Un aviso pa boto chikito y biento duro ta na vigor. Ocupantenan di boto chikito y usuarionan di lama mester tene esaki na cuenta y procede cu cautela.
Pronostico di tempo pa proximo dianan di siman:
Shelo ta lo ta levemente te parcialmente nubla cu chens riba un awasero breve. Biento lo ta for di direccion oost te oost-noordoost y modera te basta fuerte, den dia fuerte te duro tin bes hopi duro den rafaga; Temperatura max / min lo ta: 32/25
