Water en Energie Bedrijf (WEB) Aruba N.V. ta busca un director nobo. Esaki despues cu tanto Luis Oduber como CEO y COO hunto cu Randolph Ruiz como CFO, a acepta e pakete di compensacion cu nan doño, Utilities Aruba NV, representa pa abogado mr. Anthony Ruiz, a presenta na nan. Nan retiro “boluntario” a drenta na vigor dia 1 di augustus 2021. Turestempo, Lati Wever, swa di minister-president, kende ta presidente di WEB Aruba NV, lo fungi temporalmente como director di WEB, te ora cu recluta un nobo.
Awo a saca un aviso buscando un director general nobo pa e compania. A acorda cu e salario di e director, lo no ta di 333 mil florin pa aña manera esunnan anterior, sino di un maximo di 130% di e salario di un minister. Esaki lo bira e di cuater director pa e compania, cu a bira un N.V. na aña 1992. Mester solicita na [email protected]. Pa mas informacion riba e noticia aki, lesa e edicion di TREMPAN di awe.
