Aña pasa Mando Policial a celebra cune e hecho cu el a cumpli no menos di 35 aña di trabou como Polis. Awe Minister di Husticia, mr. Andin Bikker a anuncia cu el a atende Alto Comisario Richardson riba e susedido den fin di siman y ta pendiente pa medidanan disciplinario cu mester bin awo. Esaki despues cu e polis Enrique “Wewe” Wester, cu aparentemente tabata bou influencia di alcohol, a core pa Polis, den verboden, riba Green Corridor.
E forma con e persecucion aki a tuma luga a hinca bida di e Polis y otronan den peliger. Polis a detene nan mesun colega y a hibe Warda di Santa Cruz, pero no a permiti pa prensa saca su potret. Ainda Cuerpo Policial no a anuncia ki medida nan a tuma al respecto, siendo cu den otro casonan di suspencion, mesora ta avisa e medida. Esaki toch ta laga espacio pa cuestionamento riba e transparencia cu mester existi den e organisacion, cu diariamente ta detene otro chauffeurnan burachi y cu awor mester atende nan mesun colega, un Sub Inspector di Polis.
https://www.facebook.com/24ora.aruba/posts/10160286940020001:0
