Diabierna e studiantenan di Colegio Arubano a sali pafo pa expresa nan mal contento, relaciona cu e reglanan cu nan ta considera extremo. Segun e studiantenan, ta reglanan di tur aña, pero ta adapta nan. Nan no tin nada contra regla, ya cu mester tin disciplina y pa tin disciplina, mester tin regla. Niun rato so, a pidi pa kita regla. Pero tres aña pasa, scol a implementa cambio den bistimento, cual pa nan, e regla aki no tin sentido. E biaha aki si nan a pasa e liña.
Loke nan no ta apoya ta e manera cu ta atende cu e hoben studiantenan na momento nan yega scol y ta haya nan mes cu sorpresa cu nan no ta bisti di manera adecua. Nan ta sigui bisa cu nan ta papia di un forma hopi fresco pa cual nan a entrega un carta na directiva di scol. Nan a indica tambe cu tin varios mayor ta para tras di nan. Dilanti tur hende ta nenga entrada na e muchanan, ta halsa bos y intimida e alumnonan. Tur e actonan aki ta bin di hendenan cu mester ta esunnan cu ta forma e hobennan. Esaki ta cosnan cu nan no por acepta y p’esey mas di 900 alumno a firma un carta pa mustra nan malcontento.
Pa cobertura mas amplio, lesa e edicion di TREMPAN.
