Cantidad di persona interna pa Covid-19 a baha

Bright and Ultra Modern High Tech Laboratory Full of Advanced Technological Wonders, Computers, Analyzing Machines, Test Tubes and Beakers.

Awe 33 persona a recupera, pero a registra un total di 19 caso nobo di COVID-19 di cual 3 ta no-residente. E cifranan aki ta representa un ‘Positivity rate’ bou di nos residentenan di 8%.

E cantidad di casonan activo di COVID-19 pa awe ta 273 y cantidad di fayecido relaciona cu COVID-19 a aumenta na 158. Forsa na famia di e fayecido. E datonan ta ilustra casonan nobo di COVID-19 cu un averahe semanal di 23 caso pa dia y un averahe di ‘positivity rate’ semanal di 10% pa dia.

Actualmente na Aruba tin 22 persona interna debi na COVID di cual den ICU tin 7 persona, riba piso general tin 15 persona y na Colombia tin actualmente 23 persona den Cuido Intensivo.