Matthew Paesch a firma cu HR Team na Colombia

Matthew Paesch a firma cu HR (Hermanos Rios) Team na Bogota p’asina e bay representa nan den un careda Panamericano na Ecuador. Esaki sigur ta un momento importante pa Paesch.

Redaccion di 24ora.com a combersa cu Carlos Rios y el a conta cu nan tabata tin un cupo den e ekipo como shifter. A pensa riba Matthew pa su talento y e desaroyo cu e tabata tin durante su carera deportivo. A haci contacto directo cun’e y a dicidi pa pone riba nomina di e ekipo cu nan ta bay tin representacion di varios pais exponente den e Campeonato Rok Cup na Ecuador. A haci algun careda inicial na Colombia. “Realmente nos ta hopi contento cu Matthew ta forma parti di nan ekipo, Carlos Rios a bisa.

Matthew Paesch a firma cu HR Team na Colombia
https://24ora.tv/2F1t0CJ

Posted by 24ora on Monday, June 10, 2019

 

Scouting

Segun Rios, nan tabata siguiendo Matthew den su trayectoria na Merca. Nan a wak'e y gusta con e ta core. Nan ta spera pa tin miho resultado tanto den e ekipo y pa Matthew logra tin un bon filling. Ya ta haciendo varios prueba y nan ta bayendo bon.


Dos centro di participacion

Nan tin dos luga di participacion. Na Colombia nan tin un ekipo y na Ecuador tambe nan tin e ekipo cu bastante nomina pa por haci un bon papel den e Panamericano. Ora cu e proyecto di Panamericano a cuminsa, a dicidi pa haci e presentacion na Ecuador precisamente pa haci tur e compañamento preventivo y corectivo pa traha bon riba e pista.


Un competencia importante

Pa e ekipo e careda aki ta un reto den categoria y pa tin representante tambe, tanto personal como corporativo.

Oficialisacion

Pa Matthew Paesch, como coredor esaki sigur ta un paso hopi importante. Awe e ta un persona cu ta coriendo shift y ta un di e top contendernan di Go-Kart. E ta conta cu e tin hopi tempo ta core caba. E tabata coriendo na Merca y awo el a cuminsa core na Colombia. E ta buscando un cupo pa e core pa final, cual ta na Italia. Esey ta un di e soñonan cu un hende cu ta core Kart kier yega na dje un dia.


Wowo riba Paesch

Paesch a splica cu e ta keda wak padilanti y ta sigui bay padilanti. "Mi ta sinti cu mi ta bon prepara. E fin di siman cu a pasa tabata tin un careda cual a bay basta bon pa e ekipo. Hopi cos mi a siña." E ta preparando su mes pa Ecuador na mesun momento. Asina a traha y drecha drecha motor y chasis, y tur otro cos di su vehiculo. Pa otro siman un biaha mas ta bay tin un training. Ta keda train, setup tur cos y spera pa Juli, ora cu caredanan di Panamericano yega nan ta 100%.

Comments

comments