Chauffeur no a paga tino y a pega den auto su dilanti

Diadomingo pa 4.30 di atardi Polis a bay dilanti Centro di Bario Tanki Lendert pa un accidente, unda tabatin un persona herida. E patruya mas cerca a bay pa motibo cu e trafico tabata basta pega. Tabata trata di un accidente cu dos auto envolvi, un Mark-X color shinishi y un Ford.
A constata di biaha cu e herido no tabata di gravedad. Ta trata di e chauffeur di e Mark-X, kende tabata keha di dolor na su pia. A pidi Ambulance na e sitio pa mira si e por a sufri un of otro fractura.
Den e investigacion rapido cu a wordo haci na e sitio, a constata cu e chauffeur di e Ford no tabatin su atencion riba trafico ya cu na momento cu e Mark-X a para, el a dal duro den dje. E mester tabata hopi cerca pasobra e sonido tabata hopi duro, segun testigonan, y e daño material tabata considerabel. E herido a resulta di no ta grave y a wordo atendi na e sitio mes door di Paramediconan.

Comments

comments