Dialuna anochi a tuma luga e prome townhall meeting den cuadro di ROPV nobo, bao di guia di DIP y ministerio di infrastructura unda cu DOW tambe ta contribui na e ROPV nobo aki.
Tabata tin un presentacion di e cuater puntonan cu nan a señala, cual ta turismo, casnan di pueblo (volkshuisvesting), economia y sostenibilidad. Segun director di DOW, Marlon Croes, ta presentacionnan bon hinca den otro pa duna e direccion na comunidad di Aruba cu mester hib’e cun’e y pa haya feedback di comunidad, p’asina e team por determina e strategia cu tin cu hiba p’asina DIP caba cu e ROPV y pone ter inzagge durante un luna entrante 1 di october y asina wak si por bin cambio si ta necesario si of no.
Croes a splica cu e townhall meeting tabata tin bon contribucio di parti di e grupo cu tabata presente. Tabata puntonan valido y tambe tabata tin puntonan caminda cu tin cu pensa di nobo riba dje. Kico ta bon pa soluciona tipo di problemanan.
DIP tin dos sesion mas, cu lo tuma luga na MFA Noord, awe diamars for di 6or di atardi pa 8’or di anochi y diaranson na YMCA San Nicolas.
Ora cu cera e tandanan aki di tres townhall meeting, e team ta bay sinta hunto y haci e adaptacionnan necesario, a base di e significancia di e input cu a ricibi.
Croes a agrega cu e trabaonan a wordo haci intensivo caba door di DIP y e team en general u ta trahando. Esaki ta duna presentacion riba e producto cu nan a entrega y estudionan haci. E input aki nan lo verwerk’e y pa aki un siman presente.
