Aworaki pueblo ta compronde pakico dia cu a trata e constitucion cu mester a ancra Ombudsman den ley, pakico oposicion a exigi cu en realidad no por retira un persona of mishi cu un persona, den e caso aki un ombudsman, sin cu tin 14 hende, na luga di 11 pa sostene, segun lider di fraccion di MAS, drs. Marisol Lopez-Tromp, despues di un reunion di CHA den parlamento.
Prome minister ta boca yen di integridad, colegio halto, e ta saca rapport di cuanto comision el a institui, trabao imparcial. E ta depolitisa, etc. E mes no ta firma nada. Pero kico ta pasa awo?
Tur dia den ambtenarij varios caso disciplinario ta tuma luga. Hopi cos ta sosode, sea cu tin rason of no, ta haya cu tin minister ta actua of hefe di departamento, ta cuminsa cu un procedura disciplinario.
Den caso di parlamento, Lopez-Tromp ta mustra, cu riba e pagina di Gabinete Wever-Croes, el a bin wak un publicacion cu a sali di gobierno tocante di parlamento cu ta na caminda pa bira independiente, segun e prome minister. Por a mira hustamente ta mete den e organo aki di manda un carta, den e caso aki pa parlamento, p’e griffier supuestamente firma, cu algo cu a sosode cu no ta den parlamento, no a trece ningun keho ni a haci un rapport di dje.
Pa mayor cobertura lesa TREMPAN.
