Presidente di Aruba Taekwondo Bond ARTBO Moises Fernandez ta gradici prensa, tur miembro di COA, Subsidie Commissie y tur e Boluntarionan pa asisti na e Campeonato di Himno y Bandera cu a wordo organisa den fin di siman na Compleho Deportivo Frans Figaroa.
Esaki ta e prome evento cu ARTBO a organisa pa e aña aki.
E siguiente evento ta e Campeonato Nacional di Dia di Rey, sigui pa Campeonato Nacional di Aruba. ARTBO tin varios evento pa aña 2022 entre otro curso y campamento di taekwondo. Moises Fernandez ta hopi contento di por a mira con grandi taekwondo a crece a pesar cu covid a paralisa taekwondo pa un tempo.
ARTBO tambe kier a gradici tur e scolnan di taekwondo y nan coach cu a participa den e Campeonato di Himno y Bandera, mustrando cu Taekwondo a crece hopi cu mas atleta. ARTBO a conta cu 7 scol for di 11 scol cu tin na Aruba y cu a haci e campeonato uno exitoso.
