Durante pandemia DIMAS tabatin retraso y a logra di haal in esaki. Den e ultimo lunanan un biaha mas DIMAS a haya retraso y awor tin algun cambio cu ta haciendo e proceso cana un tiki mas lihe.
Marilyn Wout, relacionista publico di DIMAS, a indica cu tabatin un gap grandi entre e personanan cu por maneha un computer, e era digital, y esunnan cu ta gusta entrega e cosnan riba papel. DIMAS ta manehando esey durante e ultimo lunanan y tabatin algun reunion cu diferente asociacion por ehempel ATIA, APFA, CUA, AHATA y Aruba Human Resource Association, caminda a duna presentacion.
Awo diferente di e instancianan miembro a indica di ta interesa pa doe mee cu e pilot di e portal. DIMAS ta preparando e pakete p’asina duna nan e training den e portal y asina e companianan aki onboard nan mesun empleadonan. Asina ey nan mes ta bay haci e peticion via e portal p’e empleadonan di nan compania cu e familiarnan. Esey ta e planificacion cu DIMAS ta bezig cu ne. Wout a sigui bisa segun e planificacion na luna di juli – augustus ta bay cuminsa cu e trainingnan p’e companianan aki.
Wout a confirma cu DIMAS tin un retraso, pero di cuanto siman e no por indica pa motibo di no tin e cifranan. Nan ta trahando riba esey y den fin di siman tin empleado ta yega oficina pa asina haci un inhaalslag. DIMAS ta purbando di traha diferente forma p’asina por mehora esey. Tin diferente factor y un di nan ta cu e persona no ta entrega tur documento. Na momento cu DIMAS ripara cu tur documento no ta entrega, nan ta pone e peticion ey on hold (riba espera).
Pa mas lesa TREMPAN.COM.
