Na aña 2019 gobierno di Aruba a logra algo cu e gobierno anterior hamas por a logra den ocho aña di gobernacion; un surplus chikito. E surplus aki ta e prueba di e maneho extraordinario di Gabinete Wever-Croes-I cu a bin haya nos economia na rand di un bancarota despues di e maneho desastroso y djodjomento di placa formal di Mike Eman. E surplus aki a bin pasobra e maneho di e gobierno nobo a pone prioridad pa sanea economia di e pais. Un economia cu mester a reforma urgentemente pa por wordo salba y restaura. Ta p’esey den un entrevista cu Rene Zwart pa Aruba Nieuws, dia 3 di april 2018 CFT voorzitter Gradus a bisa e tempo ey lo siguiente:
“Aruba heft een verkeerd economisch model gehanteerd. Laat ik voorop stellen dat er op Aruba pas vanaf Augustus 2015 toezicht is. Op dat moment was de staatschuld al tot om en nabij de tachtig procent (80%) opgelopen. Het is waar dat Aruba tot 2016 aan de tekortnormen heeft voldaan, maar wel met heel veel “knip en plak werk.” Veel opgevoerde baten waren incidenteel. En er is een verkeerd economisch model gehanteerd. Om de economie in de recessivejaren te stimuleren is er door de overheid anticyclisch geïnvesteerd. Daarvan plukt Aruba nu de wrange vruchten.”
Na 2015 caba e debe nacional tabata practicamente na 80% di nos GDP mensen! Na 2015! Cu e modelo economico di e AVP tabata “verkeerd,” malo, na werki y a conduci na un “recesion!” Y cu e modelo economico desastroso aki di e maneho di Mike Eman, Aruba lo cuminsa piki fruta daña di 2018 en adelante! Kiermen manera minister Xiomara Maduro y nos tur a bin ta bisa; “Awor e cuenta yega pa nos tur paga!” Gradus a bis’e, Gobierno a bis’e, Parlamento a bis’e, y Mike Eman mes tambe a bis’e den Parlamento; “Cu orguyo pueblo di Aruba lo mester paga e debe aki! E ta pa nos tur paga te cu 2044!”
Ademas Gradus ta pone enfasis cu a uza hopi “knip en plakwerk” pa gobierno di Mike. Den otro palabra, Gradus a bisa: Hopi konkelmento a tuma luga den presupuesto y hungamento cu cifra. Hopi gañamento pa sconde e realidad di kico tabata pasando. P’esey e cifranan di Banco Central di Aruba ta mustra e maneho desastroso aki cu tur claridad. Ainda poco dia pasa den Parlamento, Mike Eman a gaba cu e lo “bolbe” uza e mesun modelo economico desastroso aki si e haya e apoyo di pueblo. Mike Eman kier sigui uza un “verkeerd economisch model,” cu a pusha Aruba den un recesion pisa, a causa un megadebe cu a introduci nos pais na e C(A)ft, Laft y a laga pais nos pais sin reserva pa confronta un pandemia mundial.
Na september 2017, Aruba a conoce un gobierno cu a cuminsa cambia e rumbo di Aruba, y a pone Aruba su economia como prioridad. A baha e gastonan anual di e ministerionan di 12 miyon pa 2.3 miyon. Esaki so a haci cu a spaar den e prome 4 añanan di gobernacion di Gabinete Wever-Croes 48 miyon na salario di friends and family di AVP.
Si pueblo desea mas informacion di e articulo aki, contact mi na tel: 528-4639 of email mi na: [email protected] / Bo parlamentario y sirbidor di pueblo na bo ordo semper!
