Despues di un lucha cu su salud debi na problema cu curason, awe marduga Manoj “Manolo” Sabnani di Sam’s Aruba a fayece den Hospital. El a fayece na edad di 50 aña y a bay laga tres yiu atras.
Algun siman su situacion a empeora y tabata teme pa su bida, pero despues a mustra señalnan di recuperacion y a bay cas. Sinembargo awe marduga atrobe su salud a bay atras cu consecuencia cu el a bay sosega.
Manolo ta conoci pa su sonrisa riba su cara, semper contento, alegre, servicial y cla pa duna su clientenan un bon “descuento”.
Paz na su restonan. Hopi forsa na su famia y amigonan cu ta den tristesa awe pa su fayecimento.
