Nan a bay loer net na departamento robes. Algun hoben den auto a dicidi di bay haci sospechoso na warda di recherche na Wayaca. Na momento cu nan a tuma nota cu e recherchenan a sali pa confronta nan, e vehiculo a ranca bay.
Esaki a tuma luga diamars anochi , den careda di 10:40 pm, ora cu patruya hunto cu algun recherche a para e auto banda di Animal Shelter na Wayaca. Ta asina cu un rato prome algun recherche na oficina di Wayaca, a ripara un auto sospechoso dilanti nan edificio cu algun hoben aden y tabata loer den nan warda.
Manera e recherchenan a sali, nan a core bandona sitio. Mesora a cuminsa un buskeda den area. a bin topa cu e vehiculo (Hyundai Accent color cora kima) banda di Wayaca Animal Shelter. A blokea e dicho auto di tal forma cu nan no tabatin manera di scapa. A listra e vehiculo pero no a haya nada sospechoso. Despues di un bon scual, a splica nan algun cos y di e posibel consequencianan di nan actuacion. Un rato despues a laga e tres hobennan bay.
