E fecha 12 di october ta uno masha importante pa ex-minister drs. Paul Croes. Diamars awo Hof ta anuncia su decision den e caso “IBIS”, unda cu un di e acusacionnan principal ta soborno. Banda di drs. Paul Croes, tin cinco otro ciudadano mas, kende sea nan mes a apela e caso of Ministerio Publico a apela e decision di Corte di Prome Instancia, cu lo haya sa kico ta bay para di nan. Ta trata aki di Yvonne Martinus, Robbio di Vechia, Jairo Wever, Ninosca Nuñes y Melony Croes-Paesch.
PG: Paul Croes no ta siña
Procurador General durante su rekisitorio a bisa cu e ta constata cu e acusado Paul Croes no ta realisa cu loke el a haci ta malo pa cual a pidi pa confirma e castigo cu el a haya for di Corte di Prome Instancia cu ta 4 aña di prizon y 9 aña sin cu e por profila su mes riba tereno político.
E ariba menciona ta nifica cu diamars awo pa 1.00 pm, si Hof dicidi cu e ta bay di acuerdo cu PG, tin e chens grandi cu por detene Paul Croes inmediatamente. Esaki tabata e peticion cu PG a haci tambe. Pa e motibo aki, diamars ta un dia importante pa futuro di Croes. Pa e articulo completo, lesa e edicion di TREMPAN di awe.
